உலகின் தலைசிறந்த பேட்ஸ்மேன்களில் ஒருவர் தெண்டுல்கர். 20 ஓவர் போட்டியில் விளையாட விட்டாலும் அவர் விளம்பரங்கள் மூலம் தொடர்ந்து கோடிக்கணக்கில் வருமானங்களை குவித்து வருகிறார்.
பல வெற்றிகளை பெற்று புகழ் பெற்ற கேப்டன் டோனியை விட அவர் தான் அதிக வருமானம் சம்பாதித்து இருக்கிறார். 2008-09-ம் ஆண்டுக்கான வருமானவரி செலுத்தும் இந்திய கிரிக்கெட் வீரர்களில் தெண்டுல்கர் முதல் இடத்தில் உள்ளார். அவர் ரூ.8.1 கோடி செலுத்தியுள்ளார். 2007-08-ம் ஆண்டில் அவர் ரூ.8.7 கோடி செலுத்தி இருக்கிறார்.
கேப்டன் டோனி ரூ.4.7 கோடி செலுத்தி 2-வது இடத்தில் உள்ளார். அவர் 2007-08-ம் ஆண்டில் ரூ.3.4 கோடி செலுத்தி இருந்தார்.
கடந்த ஆண்டு 5-வது இடத்தில் இருந்த ஷேவாக் தற்போது வருமானவரி செலுத்துவதில் 3-வது இடத்துக்கு முன்னேறி உள்ளார். அவர் ரூ.3.1 கோடி செலுத்தியுள்ளார். கடந்த ஆண்டு ஷேவாக் ரூ.1.9 கோடி செலுத்தி இருந்தார்.
யுவராஜ்சிங் ரூ.2.6 கோடி செலுத்தி 4-வது இடத்திலும், டிராவிட ரூ.2.4 கோடி செலுத்தி 5-வது இடத்திலும் உள்ளனர். யுவராஜ்சிங் கடந்த ஆண்டு ரூ.2 கோடியும், டிராவிட் ரூ.3.1 கோடியும் வருமானவரி செலுத்தி இருந்தனர்.
0 comments:
Post a Comment